Keppir á sterkustu mótaröðinni

Atvinnukylfingurinn Haraldur Franklín Magnús keppir á tveimur mótum á Evrópumótaröðinni á næstu dögum, en mótaröðin er sú sterkasta í álfunni.

Kylfingur.is greinir frá. Bæði mótin eru í Ástralíu og því afar langt ferðalag fram undan hjá Haraldi.

Fyrra mótið er Australian PGA Championship í Brisbane dagana 23.-26. nóvember og það seinna í Sydney viku síðar, en það ber nafnið Handa Australian Open.

Haraldi tókst ekki að tryggja sér fullan keppnisrétt á mótaröðinni í gegnum úrtökumótin, en gæti fengið boð á fleiri mót á Evrópumótaröðinni.

Þá keppir hann einnig á Áskorendamótaröð Evrópu á næstu vikum og mánuðum. 

• Blogga um frétt