Logi Sigurðsson úr Golfklúbbi Suðurnesja er Íslandsmeistari karla í holukeppni 2024 en mótið fór fram á Garðavelli á Akranesi og hófst á laugardaginn.
Hann vann Jóhannes Guðmundsson úr Golfklúbbi Reykjavíkur í úrslitaeinvíginu í dag.
Jóhannes hafði betur gegn Kristjáni Þór Einarssyni úr Golfklúbbi Mosfellsbæjar og Logi gegn Jóhanni Frank Halldórssyni úr Golfklúbbi Reykjavíkur í undanúrslitum sem voru leikin fyrir hádegið í dag.
Logi er einnig ríkjandi Íslandsmeistari í höggleik í golfi.