Kylfingurinn Tiger Woods átti erfitt með svefn eftir morðtilræðið gegn Donald Trump, fyrrverandi forseta og forsetframbjóðanda.
Woods sagðist hafa fylgst vel með fréttaflutningi á leið sinni til Skotlands en hann keppir á Opna breska meistaramótinu sem hefst á Royal Troon-golfvellinum á morgun.
„Við horfðum á ekkert annað á leiðinni hingað, þetta var löng nótt. Ég svaf ekkert í fluginu og mætti síðan bara út á völl,“ sagði Woods við breska ríkisútvarpið.