Aron og Sigurður efstir

Aron Snær Júlíusson og Sigurður Arnar Garðarsson, báðir úr GKG, eru jafnir og efstir í karlaflokki eftir fyrsta hringinn á Íslandsmótinu í golfi sem hófst á Hólmsvelli í Leiru í morgun.

Þeir léku báðir hringinn á 65 höggum, sex höggum undir pari vallarins, og eru tveimur höggum á undan næstu mönnum.

Frétt af mbl.is

Eva með þriggja högga forystu

Það eru Magnús Yngvi Sigsteinsson úr GKG, og þeir Sigurður Bjarki Blumenstein og Jóhannes Guðmundsson úr GR sem eru á fjórum höggum undir pari, 67 höggum.

Andri Már Óskarsson úr GS, Ragnar Már Garðarsson úr GKG, Hákon Örn Magnússon úr GR, Daníel Ísak Steinarsson úr GK og Böðvar Bragi Pálsson úr GR deila síðan sjötta til tíunda sæti á 68 höggum, þremur undir pari.

Einar Bjarni Helgason úr Golfklúbbi Setbergs, sem fór holu í höggi í morgun, er í hópi níu kylfinga sem hafa leikið á tveimur höggum undir pari.

Frétt af mbl.is

Fór holu í höggi á Íslandsmótinu

Aron Snær Júlíusson í Leirunni í dag. Ljósmynd/seth@golf.is

• Blogga um frétt