Einar Bjarni Helgason úr Golfklúbbi Setbergs sló draumahöggið þegar hann fór holu í höggi á níundu braut á Hólmsvelli í Leiru í dag.
Íslandsmótið í golfi hófst í dag en því lýkur á sunnudaginn.
Einar Bjarni sló með 9 járni en holan var í 138 metra fjarlægð.
Einar lék áður með Golfklúbbi Fljótsdalshéraðs á Egilsstöðum en hann komst í undanúrslit á Íslandsmótinu í holukeppni nýverið.