Dagbjartur vann Einvígið á Nesinu

Dagbjartur Sigurbrandsson úr GR stóð uppi sem sigurvegari í Einvíginu á Nesinu sem fram fór í 28. sinn í Nesklúbbnum á Seltjarnarnesi í dag.

Mótið er ár­legt góðgerðar­mót Nes­klúbbs­ins og var haldið í sam­starfi við Ari­on Banka í ár.

Ari­on Banki veit­ti í móts­lok for­svarsmanni Um­hyggju ávís­un upp á eina millj­ón króna.

Frétt af mbl.is

Íslandsmeistarinn og Ólafía Þórunn mætast á Nesinu

Dugði tvípútt á níundu

Fyrstu tvær hol­urn­ar voru leiknar með því sniði að sá féll úr leik á fyrstu braut sem er fjærst holu eft­ir þrjú högg og eft­ir tvö högg á ann­arri braut. Böðvar Bragi Pálsson úr GR féll úr leik að lokinni fyrstu braut og Karlotta Einarsdóttir úr NK að lokinni annarri braut.

Eft­ir það var farið í hefðbundna út­slátt­ar­skeppni, eins og hefð er fyr­ir í mót­inu, þar sem þau sem eru með hæsta skorið á viðkom­andi braut falla úr leik.

Að lokinni þriðju holu féll fyrrverandi atvinnukylfingurinn Ólafía Þórunn Kristinsdóttir úr leik og að lokinni fjórðu braut Gunnlaugur Árni Sveinsson úr GKG. Perla Sól Sigurbrandsdóttir úr GR og systir sigurvegarans, féll úr leik að lokinni fimmtu braut og Aron Snær Júlíusson úr GKG, nýkrýndur Íslandsmeistari, að lokinni sjöttu braut.

Ólafía Þórunn er mikill húmoristi en hún skartaði forláta 66° Norður skíðagalla í tilefni dagsins. mbl.is/Ólafur Árdal

Logi Sigurðsson úr GS, fyrrverandi Íslandsmeistari í höggleik og Íslandsmeistari í holukeppni, féll þá úr leik að lokinni sjöundu braut og Aron Emil Gunnarsson úr GOS, að lokinni áttundu braut.

Það voru því Kjartan Óskar Guðmundsson úr NK og Dagbjartur Sigurbrandsson sem léku níundu brautina og að lokum Dagbjartur sem stóð uppi sem sigurvegari en honum dugaði að tvípútta til að tryggja sér sigurinn.

Að venju var góð stemning á Nesinu og þetta árið einkar gott veður - stafalogn á Seltjarnarnesi.

Kjartan óskar Dagbjarti til hamingju. mbl.is/Ólafur Árdal

• Blogga um frétt