Íslenska U20 ára landslið kvenna í handknattleik vann í kvöld öruggan sigur á Makedóníu, 39:27, á heimsmeistaramótinu sem fram fer í Makedóníu. Ísland hafði yfirhöndina allan tímann og staðan í hálfleik var, 20:12.
Ísland leikur um 13. sætið gegn Japan á laugardaginn en íslenska liðið sem fór inn á mótið sem varaþjóð hefur staðið sig frábærlega.
Mörk Íslands: Karen Knútsdóttir 9/6, Hildigunnur Einarsdóttir 7, Auður Jónsdóttir 6, Rut Jónsdóttir 5, Sara Sigurðardóttir 3, Rebekka Skúladóttir 3, Sunna Jónsdóttir 2, Jóna Sigríður Halldórsdóttir 2, Hildur Þorgeirsdóttir 1, Þórey Rósa Stefánsdóttir 1.