Grótta upp í úrvalsdeild

Hand­knatt­leikslið Gróttu í karla­flokki tryggði sér í kvöld sæti í úr­vals­deild, N1-deild­inni,  á næstu leiktíð þegar það vann ÍBV, 33:12,  á heim­velli að viðstödd­um rúm­lega 500 áhorf­end­um.

Í leiks­lok í kvöld voru leik­mönn­um Gróttu af­hent sig­ur­laun­in fyr­ir 1. deild karla. „Keppn­in í 1. deild­inni í vet­ur hef­ur verið mjög jöfn og spenn­andi þar sem fimm lið hafa bar­ist um efsta sætið. Við höf­um náð að vinna leik­ina sem skipta máli og þess vegna erum við á leiðinni upp," sagði Ágúst Jó­hanns­son, þjálf­ari Gróttu glaðbeitt­ur í sam­tali við mbl.is eft­ir að flautað var til leiks­loka.

Sel­foss hafnaði í öðru sæti 1. deild­ar með sigri á Aft­ur­eld­ingu, 32:30. ÍR laðgi ung­mennalið Hauka, 23:19. Ein um­ferð er eft­ir af deild­inni og fer hún fram á föstu­dag eft­ir viku. Þá mæt­ast Aft­ur­eld­ing og ÍR í úr­slita­leik um þriðja sætið. Liðið sem hafn­ar í þriðja sæti leik­ur við Sel­foss en það sem hrepp­ir fjórða sæti leik­ur við næst neðsta lið N1-deild­ar karla í keppni um sæti í N1-deild á næstu leiktið.

• Blogga um frétt