Handboltakona í spjótkastið

Heidi Löke frá Noregi, sem var kjörin besta handknattleikskona heims árið 2011, ætlar að keppa í spjótkasti í heimalandi sínu á næsta ári.

Löke heillaðist af spjótkastinu þegar hún vann keppni í þeirri grein á milli besta íþróttafólks Noregs í mörgun greinum sem TV2 í Noregi stóð fyrir. Hún hefur nú þegar tilkynnt þátttöku sína á norska meistaramótinu í frjálsíþróttum næsta sumar.

„Ég tek ekki spjótkastið framyfir handboltann en ég elska að reyna eitthvað nýtt og þetta verður góð reynsla,“ sagði Heidi Löke við TV2.

• Blogga um frétt