Jenný úr leik út keppnistímabilið

„Jenný verður ekkert meira með okkur á keppnistímabilinu,“ sagði Stefán Arnarson, þjálfari bikarmeistara Vals í handknattleik kvenna, við Morgunblaðið í gær er hann var inntur eftir meiðslum landsliðsmarkvarðarins Guðnýjar Jennýjar Ásmundsdóttur.

Jenný tognaði illa á hægri ökkla undir lok æfingar í fyrrakvöld. Berglind Íris Hansdóttir, sem hætti á dögunum eftir að hafa leyst Jennýju af í meiðslum hennar í vetur, stendur vaktina í marki Vals út leiktíðina.