Alexander Petersson sneri sig á ökkla snemma í síðari hálfleik í viðureign Dana og Íslendinga á fjögurra þjóða mótinu í Danmörku í kvöld. Hann kom ekkert meira við sögu í leiknum. „Ég held að þetta sé ekkert til þess að hafa áhyggjur af,“ sagði Aron Kristjánsson landsliðsþjálfari í samtali við mbl.is í kvöld.
„Við sjáum til hvernig Alexander hefur það í fyrramálið. En eins og staðan er núna tel ég ekki að ástæða sé til að hafa áhyggjur af honum,“ sagði Aron Kristjánsson, eftir eins marks sigur á Dönum í kvöld, 30:29, í Álaborg.