Ísland fer ekki í lokakeppnina
Setja bókamerki
Íslenska landsliðið í handknattleik kvenna, skipað leikmönnum 17 ára og yngri, komst ekki áfram í lokakeppni Evrópumeistaramótsins í dag. Íslenska liðið tapaði fyrir tékkneska landsliðinu, 30:29, í lokaleik riðlakeppninnar sem fram fór í Færeyjum. Þar með tapaði íslenska liðið öllum þremur leikjum sínum í mótinu.
Fyrir leikinn við Tékka í dag átti íslenska liðið möguleika á að komast áfram en sá möguleiki fólst í að leggja Tékka með a.m.k. þriggja marka mun. Það lánaðist ekki.
Viðureignin við Tékka var lengst af jöfn en þó náði íslenska liðið á stundum tveggja marka forskoti en lengra náði það ekki. Lokakaflinn var jafn og spennandi en það voru Tékkar sem hrósuðu sigri og fylgja Rússum eftir í lokakeppnina sem fram fer í Makedóníu í sumar.
Mörk Íslands: Eyrún Ósk Hjartardóttir 7, Lovísa Thompson 6, Andrea Jacobsen 5, Sandra Erlingsdóttir 5, Þórunn Sigurbjörnsdóttir 4, Mariam Eradze 1, Guðný Þóra Arnarsdóttir 1.
Ólína: „Þeir eru oft aulalegir í málflutningi“
„Þetta er grafalvarlegt mál“
„Það ber enginn meiri ábyrgð á stöðu flokksins en ég“
„Í næsta mánuði fékk ég uppsagnarbréf“
Dýrmætt sakleysi sem kostaði Bryndísi Klöru lífið
Gerbreytt staða hælisleitarmála
„Við verðum að vinda ofan af þessu“
