Stjarnan í bikarúrslit
Setja bókamerki
Stjarnan og Fylkir mættust í undanúrslitum í bikarkeppni kvenna í handknattleik, Coca Cola-bikarnum, í Laugardalshöllinni klukkan 17.15. Stjarnan sigraði 26:21 og leikur til úrslita á laugardaginn gegn annað hvort Gróttu eða Haukum. Fylgst var með gangi mála í beinni textalýsingu hér á mbl.is.
Grótta og Haukar mætast klukkan 19.30 í kvöld, einnig í Laugardalshöllinni.
Staðan að loknum fyrri hálfleik var 13:10 fyrir Stjörnuna. Garðbæingar höfðu lengst af frumkvæðið í leiknum en munurinn var sjaldnast mikill. Til að mynda var tveggja marka munur þegar fimm mínútur voru eftir.
Í liði Stjörnunnar eru reyndir leikmenn og hafði það vafalítið sín áhrif. Auk þess var vörnin öflugri hjá Stjörnunni og Florentina Stanciu tók ágætlega við sér í markinu í síðari hálfleik.
Bæði lið gerðu mörg mistök í leiknum eins og oft vill verða í mikilvægum bikarleikjum en þau voru færri hjá Garðbæingum þegar uppi var staðið.
| Stjarnan | 26:21 | Fylkir |
|
|---|---|---|---|
| Hanna G. Stefánsdóttir (Stjarnan) skorar úr víti | |||
Eldgosið það næststærsta í röðinni
„Hún er jafnvel fegurri en áður“
Yfir 40.000 kosið utan kjörfundar
Þyrlan sótti annan í bakaleiðinni
Þyrlan kölluð út: Slasaðist á Kötlujökli
Verulegur skortur á íbúðarhúsnæði blasi við
„Lítur ekki vel út með kjördaginn“
