Línumaðurinn Jón Þorbjörn Jóhannsson skoraði sex mörk fyrir Hauka þegar Íslandsmeistararnir jöfnuðu úrslitarimmuna gegn Aftureldingu 1:1 í Mosfellsbænum í kvöld. 

Haukar sigruðu 28:25 en Afturelding var yfir 12:10 að loknum fyrri hálfleik. Þá átti Jón í vandræðum í sókninni og brenndi af þremur dauðafærum. Hann lagaði það til í síðari hálfleik og skoraði þá fimm mörk. 

„Maður er búinn að vera í þessu svo lengi og það þarf meira en þetta til að slá mann út af laginu. Ég þarf að skjóta á Gogga á æfingum og hann getur gert mann brjálaðan. Það þýðir ekkert að svekkja sig á því. Þá er bara næsta skot,“ sagði Jón Þorbjörn meðal annars í samtali við mbl.is í kvöld en viðtalið við Jón í heild sinni er að finna í meðfylgjandi myndskeiði. 

Jón Þorbjörn (18) fer út í Jóhann Gunnar í leiknum í kvöld. mbl.is/Árni Sæberg

Tengdar fréttir

Úrslitakeppnirnar í handbolta

Sömu meistaralið í níu tilfellum

• Leggur fyrirliðinn klístrinu?
• „Þú þarft að hafa ákveðið hungur“
• „Við viljum hafa boltann harðan“
• „Allt var gott hjá okkur“

» Fleiri tengdar fréttir

• Blogga um frétt