„Við erum með stóran og góða hóp og þrátt fyrir breytingar þá förum við alls óhræddar inn í mótið,“ sagði Laufey Ásta Guðmundsdóttir, fyrirliði Gróttu sem hefur orðið Íslandsmeistari tvö síðustu árin. „Ef marka má spána góðu þá er ekki vænst miklum árangri af Gróttuliðinu en við sem skipum liðið gerum talsverðar væntingar til okkar.

Við vitum hinsvegar að við verðum að hafa fyrir hlutunum. Deildinni hefur verið skipt upp og þar með reiknar maður með fleiri jafnari leikjum og þá deildarkeppni um leið sem væntanlega skemmtir áhorfendum meira. Spennustigið hjá okkur verður kannski hærra fyrir vikið en við tökumst á við það,“ sagði Laufey Ásta.

Nokkrar breytingar hafa orðið á Gróttuliðinu þar sem m.a. Íris Björk Símonardóttir og Anna Úrsúla Guðmundsdóttir eru hættar eða hið minnsta komnar í frí frá boltanum um lengri eða skemmri tíma. Þá lagði Anett Köbli skóna á hilluna. Leikmenn hafa einnig bæst í hópinn en víst er að Gróttu-liðið verður nokkuð breytt frá síðasta keppnistímabili þar sem það hafnaði í öðru sæti í deildinni en vann síðan Íslandsmeistaratitilinn eftir skemmtilega úrslitakeppni.

„Maður kemur í manns stað. Nú verða yngri leikmenn að sýna hvað í þeim býr.  Í leiknum í Meistarakeppninni á dögunum þá unnum við Stjörnuna, sem spáð er Íslandsmeistaratitlinum. Með því sýndum við fram á að við erum til alls líklegar þrátt fyrir breytingar á leikmannahópnum.  Við erum bjartsýnar og tilbúnar í slaginn í deildinni,“ sagði Laufey Ásta Guðmundsdóttir, fyrirliði Gróttu.

Íslandsmeistararnir sækja ÍBV heim í fyrstu umferð Olís-deildar kvenna. Flautað verður til leiks í íþróttamiðstöðinni í Vestmannaeyjum klukkan 13.30 í dag.

Lið Gróttu leiktíðina 2016-2017 í Olís-deild kvenna:

Selma Þóra Jóhannsdóttir, markvörður

Soffía Steingrímsdóttir, markvörður

Stefanía Helga Sigurðardóttir, markvörður

Anna Katrín Stefánsdóttir, vinstra horn

Arndís María Erlingsdóttir, vinstra horn

Guðný Hjaltadóttir, vinstra horn

Helga Guðrún Sigurðardóttir, vinstra horn

Unnar Ómarsdóttir, vinstra horn, miðjumaður

Lovísa Thompson, vinstri skytta, miðjumaður

Andrea María Eiríksdóttir, miðjumaður

Eva Kolbrún Kolbeins, miðjumaður

Sunna María Einarsdóttir, miðjumaður, skytta vinstra og hægra megin

Laufey Ásta Guðmundsdóttir, hægri  og vinstri skytta

Emma Havin Sardarsdóttir, hægra horn

Tinna Valgerður Gísladóttir, hægra horn

Þórey Anna Ásgeirsdóttir, hægra horn, hægri skytta

Þórunn Friðriksdóttir, hægra horn, hægri skytta

Edda Þórunn Þórarinsdóttir, línumaður

Hanna Rakel Bjarnadóttir, línumaður

Margrét Kara Jónsdóttir, vinstri skytta, línumaður

Þjálfari: Kári Garðarsson

Komn­ar frá síðasta keppn­is­tíma­bili:

Emma Havin Sardardóttir frá HK

Guðný Hjaltadóttir tók fram skóna á nýjan leik

Farn­ar eft­ir síðasta keppn­is­tíma­bil:

Anett Köbli, er hætt

Anna Úrsúla Guðmundsdóttir er komin í frí

Eva Björk Davíðsdóttir, til Sola í Noregi

Eva Margrét Kristinsdóttir er hætt

Íris Björk Símonardóttir er komin í frí

Tengdar fréttir

Handboltinn 2016-2017

Erum bara eins og kettlingar

• Ásbjörn á leið í myndatöku
• Fleira jákvætt en neikvætt
• Ákvað að ráðast á vörnina
• Naumur baráttusigur FH-inga

» Fleiri tengdar fréttir

• Blogga um frétt