Missti móður sína degi fyrir mótið

Þórir Her­geirs­son stýrði Nor­egi til Evr­ópu­meist­ara­titils í þriðja sinn í gær, þegar EM kvenna í hand­bolta lauk í Svíþjóð. Degi fyr­ir mótið bár­ust Þóri sorg­ar­frétt­ir.

Móðir Þóris lést rétt áður en mótið hófst og held­ur hann heim til Íslands á morg­un til að vera viðstadd­ur jarðarför henn­ar. Fjöl­miðlafull­trúi norska liðsins lét fjöl­miðla vita af þessu fyrr á mót­inu, en að það væri einka­mál Þóris. Sel­fyss­ing­ur­inn tjáði sig hins veg­ar um málið eft­ir að hafa tekið við gull­verðlaun­un­um í gær.

„Móðir mín hefði ekki viljað að það yrði gert neitt mál úr þessu, svo það var af virðingu við hana. Núna held ég heim­leiðis vegna jarðarfar­ar­inn­ar. Það er næst á dag­skrá,“ sagði Þórir við VG. Hann var spurður hvernig hon­um hefði gengið að sinna sínu starfi eft­ir að hafa fengið þess­ar fregn­ir:

„Það hef­ur gengið vel. Ég er með gott fólk í kring­um mig og móðir mín hafði verið veik lengi. Það er því gott að hún sé nú lögð til hinstu hvíld­ar,“ sagði Þórir, sem kveðst ekki hafa viljað stökkva frá Evr­ópu­mót­inu:

„Nei, það kom ekki til greina. Ég hafði und­ir­búið þetta mót lengi. Ég hef fengið full­an stuðning frá öllu mínu fólki á Íslandi og hér á mót­inu,“ sagði Þórir.

• Blogga um frétt