„Karakterinn í liðinu og varnarleikurinn lagði grunninn að þessum sigri,“ sagði Óskar Bjarni Óskarsson, þjálfari karlaliðs Vals, sem stýrði Hlíðarendaliðinu til sigurs í bikarkeppninni sem þjálfari í fimmta sinn í dag þegar Valsliðið vann Aftureldingu með fjögurra marka mun, 26:22, í úrslitaleik Coca Cola-bikarsins í Laugardalshöllinni.

„Varnarleikurinn var aðal okkar í dag, markverðirnir náðu mikilvægum skotum auk þess sem fleiri leikmenn lögðu í púkkið í sóknarleiknum en stundum áður. Við vorum rólegir þrátt fyrir að við lentum undir. Sennilega er reynslan skýringin á því. Við höfum verið í nokkrum erfiðum leikjum síðustu dagana,“ sagði Óskar en auk jafns leiks við FH í undanúrslitum í gær léku Valsmenn tvo jafna og spennandi leiki við Partizan 1949 í Svartfjallandi um síðustu helgi í 16-liða úrslitum áskorendakeppni Evrópu.

„Leikirnir í Svartfjallandi voru góðir. Strákarnir munu búa lengi að þeim og þótt vikan hafi verið okkur erfið eftir leikina höfðu þeir góð áhrif á hópinn sem skilað okkur þessum sigri í dag,“ sagði Óskar Bjarni sem er að verða með sigursælli þjálfurum landsins þegar kemur að bikarkeppninni. „Bikarinn á vel mig. Ég þarf bara að mæta þessa helgi og fara svo í frí til vors,“ sagði Óskar Bjarni Óskarsson, annar þjálfari Vals, glaður í bragði.

Tengdar fréttir

Úrslitahelgin í handbolta

„Ég tók rétta ákvörðun“

• Stjarnan bikarmeistari – myndasyrpa
• Valur bikarmeistari – myndasyrpa
• Náðum að finna orkuna
• Höfum gert þetta áður

» Fleiri tengdar fréttir

• Blogga um frétt