Rafael Capote, skærasta stjarnan í landsliði Katar í handknattleik, slasaðist alvarlega í umferðarslysi í Katar.
Capote, sem er fæddur á Kúbu, braut nokkra hryggjarliði og var fluttur á sjúkrahús og ljóst er að hann spilar ekki handbolta í bráð og ferill hans gæti verið í hættu.
Capote er 29 ára gamall og hefur leikið stórt hlutverk í uppgangi landsliðsins í Katar undanfarin ár og á HM í Katar 2015 var hann valinn besta rétthenta skyttan þar sem Katar hafnaði í öðru sæti. Hann leikur með liði El Jaish í Katar.