Fer til Ungverjalands

Arna Sif Páls­dótt­ir, landsliðskona í hand­knatt­leik, hef­ur ákveðið að ganga til liðs við ung­verska úr­vals­deild­arliðið Debr­eceni DVSC. Hún hef­ur skrifað und­ir tveggja ára samn­ing við fé­lagið, sem hafnaði í fjórða sæti í ung­versku deild­inni á nýliðinni leiktíð. Ung­verska úr­vals­deild­in en ein sterk­asta kvenna­deild­in í hand­bolt­an­um í Evr­ópu um þess­ar mund­ir.

„Það er spenn­andi að kom­ast í eitt­hvað nýtt,“ sagði Arna Sif í sam­tali við Morg­un­blaðið, en hún hef­ur leikið með franska liðinu Nice síðustu tvö ár en hafði áður verið í dönsku úr­vals­deild­inni um sjö ára skeið hjá Hor­sens, Es­bjerg, Aal­borg og SK Aar­hus.

„Ég þarf að gefa hressi­lega í fyr­ir næsta keppn­is­tíma­bil því deild­in í Ung­verjalandi er hrika­lega sterk en þangað hafa á síðustu árum safn­ast marg­ar af bestu hand­knatt­leiks­kon­um Evr­ópu,“ sagði Arna Sif, sem er afar spennt fyr­ir þeim áskor­un­um sem bíða henn­ar hjá ung­verska liðinu.

„Ég lék á æf­inga­móti í fyrra í Ung­verjalandi og þá fann ég greini­lega hversu lík­am­lega sterk­ir leik­menn­irn­ir eru í Ung­verjalandi. Það eru tölu­verð slags­mál í leikj­um og frá­brugðið því sem maður á að venj­ast. Ætli ég verði ekki bara að fara á nám­skeið í hne­fa­leik­um í sum­ar. Ég verð að skoða það vel,“ sagði Arna Sif létt í lund, að vanda ný­kom­in úr sólbaði á frönsku Ri­víer­unni þegar Morg­un­blaðið náði af henni tali.

Nán­ar er rætt við Örnu Sif í íþrótta­blaði Morg­un­blaðsins sem kom út í morg­un.