Ingi Rafn samdi við HK

Handknattleiksdeild HK hefur samið við skyttuna Inga Rafn Róbertsson. Ingi Rafn kemur frá ÍR, en hann hefur leikið með félaginu í yngri flokkum og byrjaði ungur að æfa með meistaraflokki. Hann er rétthent skytta og öflugur í vörninni. Mbl. hefur fengið staðfest að samningur Inga Rafns sé til tveggja ára, en HK leikur í fyrstu deildinni.

Því er ljóst að hann mun ekki leika í Olís-deildinni í vetur, en ÍR komst upp úr fyrstu deildinni í lok síðasta tímabils. HK endaði í sjötta sæti fyrstu deildarinnar á síðustu leiktíð, en aðeins tveimur stigum munaði á þriðja og sjötta sætinu.

Ingi Rafn er uppalinn í Kópavogi og mun eflaust líka vel að leika á heimaslóðum.

• Blogga um frétt