Magnaður sigur Selfyssinga á Haukum
Guðmundur Karl
Setja bókamerki
Selfyssingar buðu upp á ótrúlegan lokakafla þegar þeir sigruðu Hauka 26:25 í Olísdeild karla í handbolta í kvöld. Selfoss var þremur mörkum undir þegar þrjár mínútur voru eftir.
Leikurinn var kaflaskiptur og stórskemmtilegur en bæði lið sýndu sínar bestu – og verstu hliðar. Staðan í leikhléi var 13:14.
Haukar virtust vera að sigla sigrinum í höfn en þeir leiddu 22:25 þegar þrjár mínútur voru eftir. Selfoss skipti þá í maður-á-mann vörn og Haukur Þrastarson stal þremur boltum í röð.
Sölvi Ólafsson varði síðasta skot Hauka þegar 35 sekúndur voru eftir og á einhvern ótrúlegan hátt náði Elvar Örn Jónsson að koma boltanum fram hjá Björgvini Páli Gústavssyni þegar tvær sekúndur voru eftir og tryggja Selfyssingum sigurinn.
Haukur Þrastarson var markahæstur Selfyssinga með 6 mörk og Elvar Örn Jónsson skoraði 5. Helgi Hlynsson varði 9 skot í marki Selfoss. Hjá Haukum var Halldór Ingi Jónasson markahæstur með 7 mörk. Björgvin Páll Gústavsson átti góðan leik í markinu og varði 15/1 skot.
| Selfoss | 26:25 | Haukar |
|
|---|---|---|---|
| Sölvi Ólafsson (Selfoss) varði skot 35 sekúndur eftir. | |||
Mjög alvarlegt ef Njarðvíkuræð gefur sig
Yfir 300 stæði fóru undir hraun
Myndir: Grindavíkurvegur aftur undir hraun
Mæðgur dæmdar til að greiða 64 milljónir
Fullvissa ferðamenn um að hér sé öruggt
Maskína: Framsókn í fallbaráttu
„Má segja að þetta gos hafi þjófstartað“