Fram leikur til úrslita
Setja bókamerki
Fram leikur til úrslita um Íslandsmeistaratitil kvenna í handknattleik en Safamýrarliðið tryggði sér það með því að sigra ÍBV í fjórðu viðureign liðanna í undanúrslitum í Vestmannaeyjum í kvöld, 27:24.
Fram mætir því annaðhvort Haukum eða Val í úrslitaeinvíginu en þar eru Haukar með 2:1 forystu og verða á heimavelli í fjórða leik liðanna annað kvöld.
Fyrri hálfleikur var hnífjafn og jafnt á nánast öllum tölum. Bæði lið náðu einu sinni tveggja marka forskoti, en ÍBV var með forystu að hálfleiknum loknum, 12:11.
ÍBV var áfram yfir, 14:13, snemma í síðari hálfleik en þá náði Fram góðum kafla og komst fjórum mörkum yfir, 21:17. Eftir það munaði tveimur til fjórum mörkum á liðunum allt til leiksloka.
Elísabet Gunnarsdóttir kom Fram í 26:23 þegar rúm mínúta var eftir, Karen Knútsdóttir bætti við marki í kjölfarið, 27:23, og úrslitin voru ráðin.
Ragnheiður Júlíusdóttir skoraði 9 mörk fyrir Fram og Karen Knútsdóttir 8 en Guðrún Ósk Maríasdóttir varði 14 skot í marki liðsins.
Sandra Erlingsdóttir skoraði 6 mörk fyrir ÍBV, Karólína Bæhrenz, Ester Óskarsdóttir og Greta Kavalisuskaite 5 mörk hver. Guðný Jenný Ásmundsdóttir varði 11 skot í markinu.
| ÍBV | 24:27 | Fram |
|
|---|---|---|---|
| Ester Óskarsdóttir (ÍBV) skýtur framhjá | |||
Segir að verið sé að svindla á Bandaríkjunum
Ók á hóp fólks á jólamarkaði: Einn látinn
Barn lést í árásinni
Var engin kristnitaka árið 1000?
Lyklaskipti í ráðuneytunum
Bjarni afhenti Kristrúnu lyklana
Hrikalegt að heyra fréttirnar