Sverre rekinn - Geir Sveinsson ráðinn?

Sverre Jakobsson hefur verið rekinn sem þjálfari Akureyrar handboltafélags og Geir Sveinsson hefur verið ráðinn í hans stað. Þessu greinir blaðamaðurinn Skapti Hallgrímsson frá á Facebook-síðu sinni í kvöld. 

Frétt af mbl.is

Akureyri staðfestir brotthvarf Sverre

Akureyri er sem stendur í tíunda sæti Olísdeildarinnar með átta stig eftir 13 leiki. Liðið er nýliði í efstu deild eftir sigur í 1. deildinni á síðustu leiktíð. Akureyri hefur aðeins tapað einum af síðustu fjórum leikjum sínum og koma fréttirnar því á óvart. 

Geir stýrði síðast íslenska landsliðinu frá 2016 til 2018. Hann hefur ekki þjálfað lið á Íslandi síðan hann var við stjórn hjá Gróttu árið 2011. 

Uppfært kl. 20:37

Akureyri handboltafélag sendi frá sér yfirlýsingu í kvöld. Ekki búið að ráða eftirmann Sverre, en leit að næsta þjálfara stendur yfir. 

• Blogga um frétt