Gísli Þorgeir fór úr axlarlið

Eins og fram kom á mbl.is fyrr í kvöld varð landsliðsmaður­inn Gísli Þor­geir Kristjáns­son, leikmaður Kiel, fyr­ir meiðslum í viður­eign Rhein-Neckar Löwen og Kiel í þýsku Bundeslig­unni í hand­knatt­leik.

Gísli Þor­geir var studd­ur af leik­velli á 53. mín­útu eft­ir að hafa lent illa í gólf­inu. Hann var flutt­ur á sjúkra­hús og við skoðun þar kom í ljós að hann fór úr liði í vinstri öxl­inni. Lækn­ar náðu að koma öxl­inni aft­ur í liðinn en Gísli fer í mynda­töku á morg­un og þá ætti að skýr­ast hvort liðbönd í öxl­inni hafi skadd­ast.

Ljóst er Gísli verður frá í ein­hvern tíma en hversu lengi er ekki vitað og hvort hann verði bú­inn að ná sér í tæka tíð áður en Evr­ópu­mótið hefst í janú­ar.

Gísli átti góða inn­komu með liði Kiel áður en hann varð fyr­ir meiðsl­un­um en Löwen fór með sig­ur af hólmi 26:25 eft­ir að Kiel hafði náð sjö marka for­skoti í fyrri hálfleik.

• Blogga um frétt