Valur framlengir við lykilmenn

Hand­knatt­leiks­deild Vals hef­ur fram­lengt samn­inga sína við nokkra lyk­il­menn í karla- og kvenna­flokki fé­lags­ins. Fé­lagið til­kynnti um fram­leng­ing­arn­ar á Face­book-síðu sinni. 

Magnús Óli Magnús­son og Ró­bert Aron Hostert fram­lengdu samn­inga sína um tvö ár, en þeir voru á meðal bestu leik­manna liðsins sem varð krýnt deild­ar­meist­ari í vik­unni. 

Magnús Óli skoraði 93 mörk í 20 leikj­um á tíma­bil­inu og Ró­bert Aron gerði 35 mörk í 15 leikj­um. 

Lovísa Thomp­son og Ragn­hild­ur Edda Þórðardótt­ir fram­lengdu um tvö ár og Dí­ana Dögg Magnús­dótt­ir um eitt ár. Hafa þær verið í stóru hlut­verki hjá Valsliðinu sem vann þre­falt á síðustu leiktíð. 

Lovísa skoraði 114 mörk í 18 leikj­um á leiktíðinni, Ragn­hild­ur Edda gerði 31 mark í 18 leikj­um og Dí­ana Dögg skoraði 70 mörk í 18 leikj­um á tíma­bil­inu. 

Lovísa Thomp­son er ein besta hand­bolta­kona lands­ins. mbl.is/​Eggert Jó­hann­es­son

• Blogga um frétt