Áfall fyrir Selfyssinga

Árni Steinn Steinþórs­son, leikmaður úr­vals­deild­arliðs Sel­foss í hand­knatt­leik, mun að öll­um lík­ind­um ekki spila með liðinu í Olís­deild­inni á kom­andi keppn­is­tíma­bili en þetta staðfesti hann í sam­tali við vef­miðil­inn hand­bolti.is.

„Ég reikna ekki með að vera með í hand­bolt­an­um í vet­ur vegna anna á öðrum víg­stöðvum,“ sagði Árni Steinn í sam­tali við hand­bolti.is.

„Ég er á fjórða ári í lækn­is­fræði sem er mest­megn­is verk­legt nám og því fylg­ir tals­verð vakta­vinna. Það er erfitt að sam­tvinna hand­bolt­ann og námið, að minnsta kosti ef maður ætl­ar að vera af full­um krafti á hvor­um tveggja víg­stöðvum,“ bætti Árni við í sam­tali við hand­bolti.is.

Árni Steinn er 29 ára gam­all en hann lék 10 leiki og skoraði 37 mörk með Sel­fyss­ing­um í úr­vals­deild­inni á síðustu leiktíð. 

Skytt­an sleit kross­band í nóv­em­ber á síðasta ári en hann hef­ur tví­veg­is orðið Íslands­meist­ari á sín­um ferli, einu sinni með Hauk­um og einu sinni með Sel­fossi. Þá lék hann um tíma sem at­vinnumaður með Mors-Thy í Dan­mörku.

• Blogga um frétt