Varnarjaxlinn á leið í myndatöku

Sverr­ir Páls­son, lyk­ilmaður í vörn Íslands­meist­araliðs Sel­fyss­inga 2019 í hand­bolt­an­um, er á leið í mynda­töku á morg­un vegna hné­meiðsla. 

Sverr­ir varð fyr­ir meiðslum og fór út af þegar Sel­foss lék vináttu­leik við FH á föstu­dag­inn. Síðasti leik­ur liðsins áður en Íslands­mótið hefst. 

Mbl.is hafði sam­band við Sverri í dag og sagðist hann vera á leið í mynda­töku á morg­un til að fá úr þessu skorið. Hann sagðist á þessu stigi máls­ins ekki vita hvers eðlis meiðslin væru eða hversu al­var­leg. 

Eft­ir að hafa leikið virki­lega vel með liðinu tíma­bilið 2018-2019, og átt drjúg­an þátt í sögu­leg­um sigri Sel­fyss­inga á Íslands­mót­inu, sleit Sverr­ir kross­band í hné fyr­ir tæpu ári. Um sama hné er að ræða nú. 

• Blogga um frétt