Íslendingarnir fögnuðu í báðum leikjunum

Íslend­ing­ar fögnuðu sigri í báðum þeim leikj­um sem fram fóru í dönsku úr­vals­deild­inni í hand­knatt­leik karla í dag.

Vikt­or Gísli Hall­gríms­son og fé­lag­ar í GOG gerðu góða ferð yfir á Jót­land þar sem þeir sigruðu Bjerr­ing­bro/​Sil­ke­borg, 36:31. Vikt­or stóð í marki GOG stærst­an hluta leiks­ins og varði átta skot, eitt þeirra úr ví­tak­asti, en hann var með 24 pró­sent markvörslu.

Óðinn Rík­h­arðsson og sam­herj­ar í Tvis Hol­ste­bro fengu Mors í heim­sókn og unnu stór­sig­ur, 35:24, eft­ir jafn­an fyrri hálfleik þar sem staðan var 17:16 að hon­um lokn­um. Óðinn skoraði tvö mörk úr þrem­ur skottilraun­um í leikn­um.

Bæði GOG og Tvis Hol­ste­bro hafa unnið tvo fyrstu leiki sína, rétt eins og Aal­borg, Sönd­erjyskE og Skand­er­borg, en þetta voru tveir síðustu leik­irn­ir í ann­arri um­ferð deild­ar­inn­ar.

• Blogga um frétt