Klikkum á versta tímapunktinum

„Þetta eru von­brigði, ég kom hingað til að vinna.“ Sagði svekkt­ur Sebastian Al­ex­and­ers­son, þjálf­ari Fram, eft­ir 23:21 tap gegn KA í fyrstu um­ferð Olís-deild­ar karla nú í kvöld.

Aðspurður um spila­mennsk­una í kvöld sagði Sebastian:

„Varn­ar­leik­ur­inn var flott­ur hjá báðum liðum og markvarsl­an var mjög góð hjá báðum liðum. Þeir náðu nokkr­um hraðaupp­hlaup­um og það gerði gæfumun­inn.“

Frétt af mbl.is

KA vann heima­sig­ur í fyrsta leik

Fram­ar­ar lentu þrem­ur mörk­um und­ir snemma í seinni hálfleik og náðu ekki að vinna það for­skot til baka þrátt fyr­ir að ekki hafi mátt miklu muna í lok­in:

„Við klikk­um á ví­tak­asti á versta tíma­punkti og línumaður­inn er dauðafr­ír inn á línu og gríp­ur ekki bolt­ann. Svona smá­atriði þurfa að vera í lagi ef þú ætl­ar að eiga séns þegar þú ætl­ar að ná upp for­skoti. Við tók­um svo séns í lok­inn og það munaði ekki miklu að planið gengi upp.“

“Við þurf­um bara að vinna í okk­ar mál­um og halda í þenn­an varn­ar­leik. Þá hef ég eng­ar áhyggj­ur.“

Aðspurður um hvernig hon­um lit­ist á tíma­bilið fram und­an sagði Sebastian: 

„Mér lýst bara vel á deild­ina. Menn eru að tala um að hún sé sterk­ari en oft áður og mögu­leik­ar okk­ar eru bara skýr­ir. Við vilj­um kom­ast í 8-liða úr­slit og það er bara það sem við þurf­um að gera. Liðið hef­ur ekki náð því í nokk­ur ár og ef við ætl­um að byggja eitt­hvað upp á næstu árum þá er fyrsta skrefið að kom­ast í 8-liða úr­slit.“

• Blogga um frétt