Portúgal er fyrsti mótherji Íslands á HM

Ísland hef­ur heims­meist­ara­keppni karla í hand­knatt­leik í janú­ar­mánuði í Egyptalandi með sann­kölluðum stór­leik gegn Portú­göl­um en liðin eru tal­in þau sterk­ustu í F-riðli keppn­inn­ar.

Leik­ur liðanna fer fram fimmtu­dag­inn 14. janú­ar. Á laug­ar­deg­in­um 16. janú­ar leik­ur Ísland við Als­ír og mæt­ir síðan Mar­okkó mánu­dag­inn 18. janú­ar í lokaum­ferð riðlakeppn­inn­ar.

Þrjú af fjór­um liðum riðils­ins kom­ast áfram í mill­iriðil þar sem öfl­ug­ir and­stæðing­ar bíða en þangað fara ör­ugg­lega Frakk­ar og Norðmenn ásamt vænt­an­lega Aust­ur­rík­is­mönn­um, en fjórða liðið í þeirra riðli mun koma frá Norður-Am­er­íku.

Þar með ligg­ur fyr­ir að Ísland og Portúgal munu mæt­ast í þrem­ur afar mik­il­væg­um leikj­um á aðeins átta dög­um. Þjóðirn­ar eru sam­an í riðli í undan­keppni EM 2022 og leika báða leiki sína áður en HM hefst í Egyptalandi.  Liðin eiga að mæt­ast í Portúgal 6. eða 7. janú­ar og á Íslandi 9. eða 10. janú­ar. Í þeim riðli eru einnig Lit­há­en og Ísra­el og Ísland leik­ur við Lit­há­en á heima­velli og Ísra­el á úti­velli í byrj­un nóv­em­ber.

• Blogga um frétt