Skoraði tvö mörk í Meistaradeildinni

Sig­valdi Björn Guðjóns­son skoraði tví­veg­is fyr­ir Kielce þegar liðið fékk Pick Sze­ged í heim­sókn í Meist­ara­deild­inni í hand­knatt­leik í Póllandi í dag.

Leikn­um lauk með þriggja marka sigri Kielce, 26:23, en pólska liðið leiddi með fimm mörk­um í hálfleik, 12:7. 

Pick Sze­ged tókst að minnka mun­inn í eitt mark þegar sex mín­út­ur voru til leiks­loka, 22:21, en lengra komst ung­verska liðið ekki og Kielce fagnaði sigri.

Hauk­ur Þrast­ar­son komst ekki á blað hjá Kielce en hann er að koma til baka eft­ir meiðsli. Þá var Stefán Rafn Sig­ur­manns­son ekki í leik­manna­hópi Pick Sze­ged vegna meiðsla.

Kielce er með tvö stig í efsta sæti A-riðils eft­ir tvo leiki en Pick Sze­ged er á botn­in­um án stiga.

Þá vann Aal­borg níu marka sig­ur gegn Motor Za­poroz­hye í Dan­mörku, 38:29. en danska liðið leiddi með fjór­um mörk­um í hálfleik, 17:13.

Arn­ór Atla­son er aðstoðarþjálf­ari Aal­borg­ar en liðið er með fullt hús stiga eða 4 stig í efsta sæti B-riðils.

• Blogga um frétt