Aron Pálmarsson skoraði eitt mark fyrir Barcelona í 29:25 sigri liðsins gegn Kiel í B-riðli Meistaradeildar Evrópu í handknattleik karla í kvöld.
Barcelona hefur verið í algjörum sérflokki í riðlinum og hefur nú unnið alla sjö leiki sína. Kiel, liðið sem Aron hóf atvinnuferilinn með, er í fjórða sæti riðilsins.
Aron hefur skorað 22 mörk í leikjunum sjö í Meistaradeildinni til þessa.