Lykilkonur nálgast endurkomu í Safamýri
Setja bókamerki
Handknattleikskonurnar og Framararnir Hildur Þorgeirsdóttir, Steinunn Björnsdóttir og Þórey Rósa Stefánsdóttir eru allar að snúa til baka eftir fjarveru.
Þetta staðfesti Stefán Arnarson, þjálfari Fram, í samtali við mbl.is í gær en bæði Hildur og Þórey Rósa hafa verið fjarverandi í síðustu leikjum liðsins.
Þórey Rósa er að koma til baka eftir barnsburð og Hildur er að jafna sig á meiðslum. Þá meiddist fyrirliðinn Steinunn á auga í leik Fram og KA/Þórs á Akureyri í lok janúar.
„Þórey Rósa byrjar vonandi að æfa í febrúar en það þarf svo bara að koma betur í ljós hversu mikið hún verður með okkur,“ sagði Stefán í samtali við mbl.is.
„Steinunn verður væntanlega klár gegn Val eftir eina og hálfa viku og þá vonumst við einnig til þess að Hildur verði klár í slaginn eftir eina til tvær vikur,“ bætti Stefán við.
Fram er með 10 stig í öðru sæti úrvalsdeildar kvenna, Olísdeildarinnar, eftir sjö leiki líkt og Valur og KA/Þór en þær Hildur, Steinunn og Þórey Rósa hafa allar verið í lykilhlutverkum hjá liðinu undanfarin ár.
Enginn svæfingarlæknir var tiltækur í flug
Flokkarnir þurfa ekki að endurgreiða styrki
„Lán að sá sem stóð við ræsið heyrði skruðningana“
Ein flugbraut eftir á Reykjavíkurflugvelli
„Ég veit hver aðkoma ráðuneytisins var“
Lofaði kjósendum að knýja fram breytingar
Óskar atbeina Alþingis vegna byrlunar
