Framlengdi í Hafnarfirði

Ásbjörn Friðriksson hefur framlengt samning sinn við handknattleiksdeild FH.

Þetta staðfesti félagið á samfélagsmiðlum sínum í dag en samningurinn er til næstu þriggja ára og gildir út keppnistímabilið 2024.

Ásbjörn hefur verið algjör lykilmaður í liði Hafnfirðinga undanfarin ár og þá hefur hann verið aðstoðarþjálfari liðsins frá því í ágúst 2018.

Hann er einn leikjahæsti leikmaður í sögu FH og á að baki tæplega 400 leiki fyrir félagið í öllum keppnum.

„Ási er ein af skærustu stjörnum FH,“ sagði Ásgeir Jónsson, formaður handknattleiksdeildar FH, í tilefni undirskriftarinnar.

„Hann er algjör goðsögn í Kaplakrika. Þvílíkur leikmaður, fyrirmynd og manneskja.

Við FH-ingar erum alveg í skýjunum eftir undirskrift dagsins,“ bætti formaðurinn við.

• Blogga um frétt