Staða ÍR versnaði enn
Setja bókamerki
Afturelding hafði betur gegn ÍR 27:22 í Austurbergi í kvöld í Olís-deild karla í handknattleik.
ÍR situr á botni deildarinnar og er án stiga. Eftir leiki dagsins er liðið nú fjórum stigum á eftir Þórsurum og eins og áður fimm stigum á eftir Gróttu.
Staðan að loknum fyrri hálfleik var jöfn 11:11 og 18:18 þegar um tólf mínútur voru eftir. Mosfellingar voru sterkari á lokakafla leiksins og nældu í stigin tvö. Afturelding er þá með 13 stig og fór á toppinn með sigrinum en Haukar eiga tvo leiki til góða og eru stigi á eftir.
Gunnar Malmqvist Þórsson og Þorsteinn Leó Gunnarsson skoruðu 5 mörk hvor fyrir Aftureldingu og Einar Ingi Hrafnsson skoraði fjögur.
Sveinn Brynjar Agnarsson, Viktor Sigurðsson og Gunnar Valdimar Johnsen skoruðu 5 mörk hver fyrir ÍR.
Óðinn Sigurðsson og Ólafur Rafn Gíslason vörðu 14 skot í marki ÍR og þeir Arnór Freyr Stefánsson, Brynjar Sigurjónsson og Bjarki Snær Jónsson 16 skot í marki Aftureldingar.
Dómurinn lengdur í sjö ár úr þremur og hálfu
Of mikil einföldun að skella skuldinni á geðrof
Óvíst hvort heimili sem ráðherra opnaði verði opnað
/frimg/1/54/72/1547243.jpg)
Þjóðvegur 1 fór í sundur
„Ljósið lifir“
Útilokað að kalla ísrétt bragðaref
Skortur á lóðum og aukin gjaldtaka
Milljarðatugir í ríkiskassann