Sirkusmark á síðustu sekúndubrotunum (myndskeið)

Kay Smits var hetja hollenska landsliðsins í handbolta er það vann dramatískan 27:26-sigur á Póllandi í undankeppni EM karla í handbolta á útivelli í dag. Með sigrinum fór Holland, undir stjórn Erlings Richardssonar, langt með að tryggja sér sæti á lokamóti EM. 

Sigurmark Smits var af dýrari gerðinni því það var sirkusmark á síðustu sekúndubrotum leiksins. Smits kórónaði þannig stórleik sinn því hann skoraði tíu af mörkunum 27. 

Markið má sjá fyrir neðan og gríðarlegan fögnuð lærisveina Erlings í kjölfarið. 

• Blogga um frétt