„Algjört lykilatriði“

Íslenska kvenna­landsliðið í hand­knatt­leik fékk í gær und­anþágu til að koma sam­an og æfa fyr­ir leik­ina gegn Slóven­íu í um­spili um laust sæti á HM 2021. Arn­ar Pét­urs­son, þjálf­ari landsliðsins, seg­ir að það hafi verið lyk­il­atriði að fá að byrja strax að æfa.

Frétt af mbl.is

Æfinga­hóp­ur­inn fyr­ir um­spils­leik­ina

Íþrótt­astarf á land­inu ligg­ur meira eða minna niðri vegna hertra aðgerða yf­ir­valda til að sporna við kór­ónu­veirunni en heil­brigðisráðuneytið gaf þó landsliðinu und­anþágu. Arn­ar til­kynnti í kjöl­farið æf­inga­hóp sem kem­ur sam­an til æf­inga í dag.

Þar vakti at­hygli að Anna Úrsúla Guðmunds­dótt­ir er í hópn­um, en hún lagði skóna á hill­una fyr­ir tæpu ári en sneri svo aft­ur í Val í vet­ur og spilaði tvo leiki áður en Íslands­mótið var stöðvað. „Við feng­um Önnu til að taka þátt í þessu með okk­ur því hún hef­ur reynslu af þessu, hef­ur spilað á loka­mót­um áður og hef­ur mik­inn karakt­er,“ sagði Arn­ar í sam­tali við mbl.is í dag.

Þá mun reynsla Önnu von­andi hjálpa liðinu sem verður án fyr­irliðans Stein­unn­ar Björns­dótt­ur, sem er með slitið kross­band í hægra hné. „Við erum með 16 af þeim 17 sem við völd­um fyr­ir þessa leiki úti í Norður-Makedón­íu, það eru all­ir klár­ir fyr­ir utan auðvitað Stein­unni sem er dott­in út. Hún er mik­ill karakt­er og það er söknuður að henni en Anna get­ur von­andi hjálpað okk­ur að fylla upp í það skarð.“

Anna Úrsúla Guðmunds­dótt­ir í leik Vals og ÍBV í fe­brú­ar. Mbl.is/Í​ris Jó­hanns­dótt­ir

Sunna Jóns­dótt­ir, leikmaður ÍBV, er með sprungu í sköfl­ungi og bólgu í vöðva og í gifsi sem stend­ur. Hún er þó í hópn­um og Arn­ar von­ast eft­ir krafta­verki. „Sunna er einnig með okk­ur, þótt hún sé enn í gifsi en við von­umst eft­ir krafta­verki þar.“

Þá koma þær Andrea Jac­ob­sen, sem spil­ar með Kristianstad í Svíþjóð, og Dí­ana Dögg Magnús­dótt­ir, hjá Sach­sen Zwic­kau í Þýskalandi, einnig inn í hóp­inn en þær voru ekki með liðinu í for­keppn­inni í Norður-Makedón­íu. „Andrea lauk leik um helg­ina og er á leiðinni heim. Hún verður klár fljót­lega eft­ir páska og kem­ur á æf­ing­ar með okk­ur. Dí­ana kem­ur senni­lega ekki til liðs við okk­ur fyrr en úti í Slóven­íu vegna sótt­varn­a­reglna.“

Arn­ar seg­ir enn frem­ur að það hafi verið gríðarlega mik­il­vægt að fá þessa und­anþágu, enda ærið verk­efni fram und­an.

„Það var al­gjört lyk­il­atriði að geta byrjað að æfa. Við erum að fara mæta gríðarlega sterku og vel mönnuðu liði. Það eru þarna til dæm­is fjór­ir leik­menn að berj­ast með sín­um liðum í átta liða úr­slit­um Meist­ara­deild­ar Evr­ópu.

Ef við ætl­um að ná úr­slit­um þá þurf­um við að hitta á okk­ar besta dag. Við ger­um það ekki öðru­vísi en að geta æft al­menni­lega. Það er frá­bært að við fáum æfa, við erum þakk­lát fyr­ir það og mun­um fylgja öll­um þeim regl­um sem ætl­ast er til að við fylgj­um. Það hefði verið enn erfiðara að mæta sterku slóvensku liði ann­ars,“ sagði Arn­ar Pét­urs­son við mbl.is.

• Blogga um frétt