Sex leikja bann fyrir reiðikast
Setja bókamerki
Talant Dujshebaev, þjálfari Sigvalda Björns Guðjónssonar hjá pólska liðinu Kielce, var úrskurðaður í sex leikja bann eftir að hafa misst stjórn á skapi sínu í undanúrslitum bikarsins um daginn.
Kielce vann Wisla Plock í undanúrslitum fyrr í mánuðinum en talsverður hiti var í leiknum. Hinn kunni þjálfari fékk rauða spjaldið í fyrri hálfleik fyrir kröftug mótmæli er yngri sonur hans, Daniel Dujshebaev, fór meiddur af velli. Pólski miðillinn TVP Sport greinir frá því í dag að Dujshebaev hafi verður úrskurðaður í sex leikja bann fyrir æðiskastið en það er þyngsta refsingin sem hann gat fengið.
Leikbannið gildir aðeins í pólsku bikarkeppninni og þýðir þetta að Dujshebaev mun í fyrsta lagi geta stýrt liðinu í keppninni árið 2024. Vegna ágæts árangurs Kielce í Evrópukeppnum hefur liðið þátttöku í bikarnum í undanúrslitum og spilar því ekki nema tvo leiki í keppninni á hverju ári.
Er bókin ónothæf eða góð yfirferð?
Funda í Karphúsinu
Ráðherra ekki upplýstur
Mikið vatn ógnaði rafmagni og tölvukerfum
Fjölmiðlafólk rekið út
Litla stelpan með perlurnar
Hvorki Danir né Bandaríkjamenn að grínast