Harpa tvöfaldur meistari í Sviss

Handknattleikskonan Harpa Rut Jóns­dótt­ir og stöllur hennar í Zug eru svissneskir meistarar eftir 33:29-sigur á Bruhl í þriðja leik liðanna í úrslitunum í dag. Zug vann einvígið 3:0.

Zug endaði í þriðja sæti A-deildarinnar í vetur, á eftir Bruhl og Spono Eagles, en sló síðan út Spono Eagles í undanúrslitum með því að vinna einvígi liðanna 2:0. Harpa og stöllur töpuðu því ekki leik í úrslitakeppninni.

Harpa varð einnig svissneskur bikarmeistari fyrr í mánuðinum þegar Zug vann Spono Eag­les, 29:26, í bikar­úr­slita­leikn­um.

• Blogga um frétt