Syrtir í álinn í Eyjum

Elísa Elíasdóttir, leikmaður ÍBV í handknattleik kvenna, er meidd á öxl og leikur af þeim sökum ekki með liðinu aftur fyrr en á nýju ári.

„Það er hvorki brot né slit í öxlinni en mælt er með því að Elísa taki sér frí fram að áramótum,” sagði Vilmar Þór Bjarnason, framkvæmdastjóri handknattleiksdeildar ÍBV, við Handbolta.is.

Elísa varð fyrir þungu höggi á aðra öxlina í leik ÍBV gegn Val í síðustu viku.

Elísa er þrátt fyrir að vera aðeins 18 ára gömul í lykilhlutverki hjá ÍBV.

Eyjakonum hefur ekki gengið nægilega vel í úrvalsdeild kvenna, Olísdeildinni, á tímabilinu þar sem ÍBV situr í næstneðsta sæti með 4 stig að loknum sjö leikjum.

• Blogga um frétt