Tap norðankvenna á Spáni

Íslandsmeistarar KA/Þórs töpuðu fyrri leiknum gegn Elche 22:18 í 32-liða úrslitum Evrópubikars kvenna í handbolta á Spáni í dag.

Báðir leikirnir fara fram á Spáni en heimakonur unnu að lokum 4 marka sigur. Elche vann bikarkeppnina á Spáni á síðasta tímabili svo ljóst er að þarna er á ferð hörkulið.

Unnur Ómarsdóttir og Rakel Sara Elvarsdóttir voru markahæstar í liði KA/Þórs með fjögur mörk hvor. Aldís Ásta Heimisdóttir og Martha Hermannsdóttir komu svo næstar með þrjú.

Í liði Elche var África Sempere Herrera markahæst með sex mörk.

Seinni leikur liðanna fer fram strax á morgun og þrátt fyrir tap dagsins er enn séns fyrir norðankonur að komast áfram í keppninni.

Í síðustu umferð sló KA/Þór út meistarana frá Kosóvó, KHF Istogu. Þá fóru báðir leikirnir fram í Kosóvó en það virtist ekki koma að sök.

• Blogga um frétt