Orri markahæstur í stórsigri

Vinstri hornamaðurinn Orri Freyr Þorkelsson átti stórleik fyrir Elverum þegar liðið vann öruggan 35:26 sigur á Nærbo í norsku úrvalsdeildinni í handknattleik karla í dag.

Orri Freyr var markahæstur í leiknum með sjö mörk.

Elverum hefur leikið frábærlega á tímabilinu og er enn með fullt hús stiga, 22, að loknum ellefu umferðum í norsku deildinni, þar sem liðið er sjö stigum á undan næstu liðum í öðru og þriðja sæti.

• Blogga um frétt