Forsetinn gerði sig að fífli

Hassan Moustafa, forseti Alþjóðahandknattleikssambandsins, gerði sig að algjöru fífli eftir úrslitaleik Frakklands og Noregs á heimsmeistaramóti kvenna í Granollers á Spáni í gær.

Frétt af mbl.is

Þórir heimsmeistari með Noregi í þriðja sinn

Leiknum lauk með öruggum 29:22-sigri norska liðsins en Þórir Hergeirsson er þjálfari Noregs og var þetta þriðji heimsmeistaratitill Noregs undir stjórn Þóris.

Moustafa hélt ræðu eftir leikinn sem hefur farið eins og eldur í sinu um veraldarvefinn en margir vilja að forsetinn segi af sér eftir atburði gærdagsins.

„Ég lýsi því hér með yfir að Noregur er heimsmeistari,“ sagði Moustafa í ræðu sinni.

„Og Danmörk, og Danmörk hafnaði í öðru sæti, og Frakkland varð í því þriðja. Ég óska öllum liðum til hamingju með árangurinn.“

Danmörk lagði Spán að velli í leik um 3. sæti keppninnar í Granollers á Spáni en áhorfendur á Spáni létu forsetann heyra það eftir ræðuna. Þá reyndi aðstoðarmaður hans einnig að útskýra fyrir honum að Frakkland hefði endaði í öðru sæti keppninnar.

„Annað sætið til Danmerkur, ég skil þetta ekki,“ bætti Moustafa við en hann hefur verið forseti Alþjóðahandknattleikssambandsins frá árinu 2000.

Hassan Moustafa, forseti Alþjóðahandknattleikssambandsins. AFP

• Blogga um frétt