Veiran herjar á toppliðið

Sex leikmenn danska handknattleiksfélagsins GOG, sem íslenski landsliðsmarkvörðurinn Viktor Gísli Hallgrímsson leikur með, hafa greinst með kórónuveiruna.

Þetta kemur fram á heimasíðu félagsins í dag, þar sem segir að leikmennirnir sex, sem ekki eru nefndir á nafn, hafi greinst í gær.

Af þessum sökum hefur leik GOG, sem trónir á toppi dönsku úrvalsdeildarinnar, gegn Skanderborg Aarhus, sem átti að fara fram næstkomandi miðvikudag, verið frestað.

Æfingar hafa verið felldar niður og allt starfsfólk sent til síns heima.

• Blogga um frétt