Tjörvi og Lovísa sköruðu fram úr hjá Haukum

Handknattleiksmaðurinn Tjörvi Þorgeirsson var í dag útnefndur íþróttamaður Hauka og Lovísa Björt Henningsdóttir íþróttakona Hauka. 

Tjörvi, sem er 31 árs, var lykilmaður hjá Haukum er liðið fór alla leið í úrslitaeinvígi gegn Val um Íslandsmeistaratitilinn á síðustu leiktíð og þá hefur hann skorað 34 mörk í 11 leikjum á þessari leiktíð.

Lovísa hefur verið lykilmaður hjá Haukum sem varð bikarmeistari í haust og tók þátt í riðlakeppni í Evrópukeppni. Þá er hún mikilvægur hlekkur í íslenska landsliðinu. 

• Blogga um frétt