„Ég hefði viljað sjá okkur gera meira á mótinu,“ sagði Kristjana Arnarsdóttir, íþróttafréttamaður á RÚV, í íþróttauppgjöri Dagmála, frétta- og menningarlífsþáttar Morgunblaðsins, þegar rætt var um gengi íslenska karlalandsliðsins í handknattleik á HM í Egyptalandi í janúar 2021.

Íslenska liðið vann tvo leiki af sex á mótinu og endaði í 20. sæti sem er versti árangur Íslands á HM frá upphafi.

Guðmundur Þórður Guðmundsson, landsliðsþjálfari Íslands, var sérstaklega ósáttur með gagnrýnina sem liðið fékk á sig á mótinu hjá þeim Arnari Péturssyni og Loga Geirssyni en þeir voru sérfræðingar RÚV meðan á mótinu stóð.

„Við erum með leikmenn núna sem eru á hátindi ferilsins og það þýðir ekki að fara í neinn feluleik með það hvers vegna við erum ekki svona eða hinsegin,“ sagði Kristjana sem var umsjónarmaður HM-stofunnar á RÚV.

„Landsliðsþjálfarinn var ekki sáttur með þá gagnrýni sem liðið fékk á sig og maður spyr sig alveg hvort hann eigi yfirhöfuð að vera velta sér upp úr því sem sérfræðingar RÚV segja í myndverinu,“ sagði Eva Björk Benediktsdóttir á RÚV.

„Gummi Gumm á aðeins inni á afsláttarkortinu vegna fyrri árangurs með liðið en við þurfum að sjá liðið stíga næsta skref á komandi stórmóti,“ bætti Hörður Snævar Jónsson, íþróttafréttastjóri hjá Torgi, við.

Áramótaþátt og íþróttauppgjör Dagmála í heild sinni má nálgast með því að smella hér.

Guðmundur Þórður Guðmundsson, þjálfari íslenska karlalandsliðsins. mbl.is/Eggert Jóhannesson

Tengdar fréttir

Dagmál

„Aðeins stærri vettvangur til þess að gera sig að fífli“

• „Rússar skilja bara hnefann og valdið“
• Efast um að Trump hafi tromp á hendi
• Ræna fólki og neyða í herþjónustu
• Góðir möguleikar á að spila um verðlaun á HM

» Fleiri tengdar fréttir

• Blogga um frétt