Haukar unnu og fara til Akureyrar
Setja bókamerki
Haukar eru komnir í átta liða úrslitin í bikarkeppni karla í handknattleik, Coca-Cola-bikarnum, eftir sigur gegn Gróttu á Seltjarnarnesi í kvöld.
Haukar sigruðu 30:24 eftir að hafa lent í miklu basli með Seltirningana framan af leiknum en Grótta komst í 9:4. Haukar náðu að snúa blaðinu við með góðum spretti á lokakafla fyrri hálfleiks og voru yfir að honum loknum, 12:11.
Í seinni hálfleik var jafnræði fram undir miðjan síðari hálfleik en þá breyttu Haukar stðunni úr 20:19 í 24:19 og voru ekki í vandræðum eftir það.
Guðmundur Bragi Ástþórsson átti stórleik með Haukum en hann skoraði 10 mörk og átti 9 stoðsendingar. Geir Guðmundsson kom næstur með 6 mörk.
Lúðvík Thorberg Bergmann var markahæstur Gróttumanna með 7 mörk og Birgir Steinn Jónsson skoraði fimm.
Haukar fara nú til Akureyrar í átta liða úrslitunum og leika þar við KA.
„Ég veit hver aðkoma ráðuneytisins var“
Snapchat verst af þeim öllum
Nýtt að gestalistinn sé umræðuefni á Alþingi
Vottar Jehóva fyrir áfrýjunardómstól
Viðtalið sem sprengdi meirihlutann?
„Vindar frelsis fái að leika um samfélagið“
„Meiri ágreiningur en við áttum von á“