Elín Jóna Þorsteinsdóttir átti fínan leik í marki Ringköbing þegar liðið bjargaði sér frá falli með naumum sigri gegn Randers í lokaumferð dönsku fallkeppninnar í handknattleik á útivelli í dag.
Leiknum lauk með 32:30-sigri Ringköbing en Elín Jóna varði fimm skot í marki danska liðsins.
Ringköbing endaði með 4 stig í öðru sæti fallkeppninnar en Aarhus, sem einnig fékk 4 stig, féll þar sem liðið var með verstu innbyrðisviðureignina á liðin fyrir ofan sig.
Steinunn Hansdóttir og liðsfélagar hennar í Skanderborg sluppu einnig við fallið en þær enduðu í fjórða og næstneðsta sæti fallkeppninnar með 4 stig.