Ólympíufarinn snýr aftur í uppeldisfélagið

Brynj­ar Jök­ull Guðmunds­son hef­ur samið við hand­knatt­leiks­deild Vík­ings til næstu tveggja ára. Brynj­ar kem­ur til fé­lags­ins frá Vængj­um Júpíters þar sem hann var einn marka­hæsti línumaður­inn í fyrstu deild­inni á síðustu leiktíð. 

Brynj­ar hef­ur einnig leikið með Stjörn­unni og Gróttu í úr­vals­deild­inni. 

Brynj­ar var árum sam­an einn fremsti skíðamaður lands­ins í alpa­grein­um og fór á Ólymp­íu­leik­ana í Sochi í Rússlandi árið 2014. 

Brynj­ar þekk­ir vel til Vík­ings þar sem hann er upp­al­inn þar og lék með meist­ara­flokk frá 2012-2013. 

„Það eru ávallt gleðitíðindi þegar leik­menn snúa heim í upp­eld­is­fé­lagið sitt og okk­ur er sönn ánægja að til­kynna þenn­an góða liðsstyrk,“ seg­ir fé­lagið í til­kynn­ingu um fé­lags­skipt­in. 

• Blogga um frétt