Bjarni Ófeigur fer ekki í Evrópubikarinn

Bjarni Ófeig­ur Valdi­mars­son og fé­lag­ar hans í sænska hand­knatt­leiksliðinu IFK Skövde HK taka ekki þátt í Evr­ópu­bik­ar­keppn­inni þrátt fyr­ir að hafa unnið sér inn sæti.

Skövde lenti í öðru sæti í sænsku deild­inni í vor eft­ir að hafa tapað fyr­ir Ystad í úr­slita­ein­vígi um titil­inn. Annað sæti í sænsku deild­inni gef­ur liði keppn­is­rétt í Evr­ópu­bik­ar­keppn­inni. 

For­ráðar­menn Skövde segja að eft­ir kór­ónufar­ald­ur­inn sé liðið í fjár­hags­örðuleik­um og geti þess vegna ekki sent liðið í Evr­ópu­keppni enda mik­ill kostnaður á því að senda lið í slíka keppni. 

Skövde tók þátt í keppn­inni í fyrra en fyr­ir það hafði liðið ekki tekið þátt síðan tíma­bilið 2005/​2006 en datt út í þriðju um­ferð móts­ins eft­ir tap á móti SKA Minsk frá Hvíta-Rússlandi. SAK Minsk hafði í umfeðinni á und­an sigrað lið FH 37:29.

• Blogga um frétt